Комисијата за хартии од вредност на Република Северна Македонија на 69-тата седница со која претседаваше Претседателот на КХВ М-р Нора Алити на ”Охридска банка” АД Скопје и даде одобрение да издаде 13-та емисија на акции по пат на приватна понуда. 
Со тринаесеттата емисија на акции ”Охридска Банка ”АД Скопје ќе издаде 119.000 обични акции со номинална вредност од 2.650,00 денари по акција и емисиска вредност од 5.168,00 денари по акција.

Вкупниот номинален износ на емисијата изнесува 315.350.000,00 денари, а вкупната емисиска вредност  е  614.992.000,00 денари. 
Емисијата е наменета за познат купувач- “Штајермеркише банк унд Шпаркасен АД“ (“Steiermarkische Bank und Sparkassen AG”) од Грац, Австрија, како институционален инвеститор. Согласно Одлуката на Собрание на акционери, Банката издава нови акции заради одржување на соодветно ниво на стапка на редовен основен капитал и стапка на основен капитал, како и заштитните слоеви на капиталот пропишани со Законот за банки и подзаконската регулатива.