Меѓународната мрежа за финансиска едукација при Организацијата за економска соработка и развој (INFE-OECD)

• Комисијата за хартии од вредност на РСМ, како самостојно и независно регулаторно тело на пазарот на хартии од вредност, заедно со Министерство за финансии на РСМ, Народна Банка на РСМ, Агенција за супервизија на осигурувањето, Агенцијата за супервизија на капитално финансирано пензиско осигурување на 19.12.2013 година склучи Меморандумот за соработка помеѓу регулаторните тела врз основа на кој се формираше Координациско тело на регулаторните институции за финансиска едукација во Република Северна Македонија. Координациското тело на регулаторните институции за финансиска едукација во Република Северна Македонија, секоја година усвојува Програма за работа, во која се утврдени сите мерки и активности, кои ќе ги презема и реализира во текот на календарска година, а кои имаат за цел поттикнување на соработката во доменот на финансиска едукација, покренување на иницијативи до надлежните институции и органи за донесување акти коишто ќе ја поткрепат идејата за финансиска едукација на населението, применување стандарди и препораки во согласност со меѓународно прифатените принципи на Г20, ОЕЦД, ИАИС и сл. Активното членство во Меѓународната мрежа за финансиска едукација при Организацијата за економска соработка и развој (ИНФЕ-ОЕЦД), претставува дополнителен пристап до податоци за финансиска писменост, развивање на анализи и споредбени извештаи и создавање на инструменти за политики поврзани со финансиска едукација.

• Меѓународната мрежа за финансиска едукација при Организацијата за економска соработка и развој (ИНФЕ-ОЕЦД) е мрежа формирана во 2008 година и претставува организација каде што членуваат над 240 институции од над 110 земји, меѓу кои и Координациското тело на регулаторните институции за финансиска едукација во Република Северна Македонија.

• Единствената цел е продлабочување на финансиското образование и подобрување на финансиската писменост на поединците, како важен елемент на пазарното однесување и долгорочен приоритет, како и учество на Координациското тело на регулаторните институции за финансиска едукација во РСМ на меѓународни мрежи, форуми, работилници преку кои се разменуваат искуства и знаења кои ќе овозможат полесно остварување на целите и приоритетите за подигање на финансиската писменост.

• Со учеството во работата на ИНФЕ-ОЕЦД се користат искуствата од најдобрите експерти во креирање на политиките и правците за зголемувањето на финансиската едукација и писменост во Република Северна Македонија и воспоставување на стандардите и применливите практики како развиените држави.
  
  
  

  https://globalmoneyweek.org/about/about-oecdinfe.html