IOSCO
01.04.2021
Меѓународната организација на комисии за хартии од вредност - International Organization of the Secuirities Commissions (во понатамошниот текст: IOSCO) е основана во април 1983 година. Генералниот секретаријат на IOSCO е со седиште во Мадрид, Шпанија. IOSCO е меѓународнa организација која ги обединува светските регулатори на хартии од вредност и е призната како глобален креатор на стандарди за секторот за хартии од вредност.
IOSCO развива, спроведува и промовира почитување на меѓународно признатите стандарди за регулирање на хартии од вредност. Оваа организација работи интензивно со Г-20 и Одборот за финансиска       стабилност - Financial Stability Board (FSB) на агендата на глобалните регулаторни реформи. Целите на членките на оваа меѓународна организација се:
  • Меѓусебна соработка во насока на промовирање на регулатива со високи стандарди со цел да се одржуваат ефикасни и сигурни пазари на хартии од вредност (во понатамошниот текст: „пазари“),
  • Размена на искуства со цел да се промовира развојот на домашните пазари,
  • Обединување на напорите за воспоставување стандарди и ефективна контрола на меѓународните трансакции со хартии од вредност и
  • Обезбедување меѓусебна помош со цел да се промовира интегритетот на пазарите со ригорозна примена на стандардите и со ефективно санкционирање на прекршоците.
Заклучно со декември 2019 година во IOSCO членуваат вкупно 228 членки. Тие се поделени во три категории: редовни, придружни и афилијативни. Нејзиното сегашно членство вклучува регулаторни тела од повеќе јурисдикции кои имаат секојдневна одговорност за регулирање на хартиите од вредност и за администрирање на законите за хартии од вредност.
Комисијата за хартии од вредност Република Северна Македонија, е полноправен член на Меѓународната организација на Комисиите за хартии од вредност - IOSCO од 1994 година. Нејзиното сегашно членство вклучува регулаторни тела од повеќе јурисдикции кои имаат секојдневна одговорност за регулирање на хартиите од вредност и за администрирање на законите за хартии од вредност. Како полноправен член, Комисијата за хартии од вредност секоја година активно учествува во работата на IOSCO, почитувајќи ги целите на организацијата.
Во 2002 година, IOSCO усвои Мултилатерален Меморандум за разбирање создаден со цел да обезбеди размена на информации и податоци помеѓу регулаторите на пазарите на хартии од вредност во светот. IOSCO, го посочи Меморандумот како основа за мегународна соработка помеѓу регулаторите на пазарите за хартии од вредност и постави јасна стратешка цел за проширување на мрежата на потписници до 2010 година. Пристапувањето во листа Б самото по себе значи и обврски на КХВРСМ за обезбедување на информации и податоци, доколку некоја од потписничките го бара тоа од неа, врз основа на соодветно барање на информации цогласно со Меморандумот.

https://www.iosco.org/