Претседателот на Комисијата за хартии од вредност на РМ, М-р Елизабета Чингаровска учествуваше на овогодинешната 38-ма Годишна Конференција на Меѓународната Организација на Комисиите за хартии од вредност (International Organization of Securities Commissions-IOSCO), која се одржа во Луксембург, во периодот од 15-19 септември.
Програмата на Конференцијата на IOSCO беше поделена на затворен и јавен дел на  конференцијата.
Затворениот дел се состоеше од организирани средби/состаноци на Регионалните Комитети на  IOSCO, потоа на Комитетот на пазарите во развој, на Одборот на IOSCO и на Претседателскиот Комитет на IOSCO, на кои се дикутираше за целокупните активности на комитетите во изминатата година, за потоа да се донесат заклучоци за нивните идни планови и активности.
Јавниот дел од Конференцијата се состоеше од 4 панели, и тоа:

• Панел 1 за Предизвиците на супервизорските тела со цел да се утврди соодветеното ниво на регулација и заштита на инвеститорите;
• Панел 2 за Иднината на растечките пазари/пазарите во развоји патот кој треба да го поминат за да го достигнат својот целосен потенцијал;
• Панел 3 за Разумните инвестиции и правилниот пристап за канализирање на приватниот капитал во насока на решавање на социјалните проблеми и
• Панел 4 за Долгорочните заштеди и пензии и улогата и придонесот на финансиските пазари и финанските продукти при нивното рационално кумулирање.

Годишните Конференции на IOSCO вообичаено привлекуваат на едно место помеѓу 450 и 850 учесници, од кои повеќето доаѓаат од над 110 јурисдикции од целиот свет. Ова е можност на едно место да се сретнат релевантните светски креатори на политики и одлуки и претставници од супервизорските тела на пазарите на капитал и хартии од вредност.​​