​       Комисијата за хартии од вредност на Република Македонија и Академијата за судии и јавни обвинители на 24 април, 2014 година организираа тркалезна маса на тема ,,Кривични дела поврзани со хартии од вредност. Целта е преку заедничка едукација и професионална обука на судиите , јавните обвинители и на вработените на Комисијата за хартии од вредност на Република Македонија што е можно повеќе кривични дела поврзани со хартии од вредност да добијат разрешница, со што ќе се зајакне довербата во пазарот на хартии од вредност кој е основен предуслов за привлекување на инвеститори и прилив на нов капитал во Република Македонија. Во секоја земја, за еден пазар на капитал успешно да функционира потребно е сите чинители , вклучително и судиите и јавните обвнители, да бидат запознаени со неговата структура и организација, со начинот на кој функционира и со регулативата што се применува, рече Претседателката на Комисијата за хартии од вредност на Република Македонија М-р Елизабета Чингаровска на отворањето. Ете токму затоа, Комисијата за хартии од вредност на Република Македонија и Академијата на судии и јавни обвинители ја организираме оваа тркалезна маса, рече Чингаровска која е прва од серијата средби на кои работно ќе соработуваат КХВ и Академијата. 

       Според Директорката на Академијата за судии и јавни обвинители Анета Арнаудовска, Академијата има клучна улога во јакнење на стручноста на правосудните институции и е професионален партнер во соработката со домашните и странски институции и проекти, каде веќе може да се вброи и Комисијата за хартии од вредност на Република Македонија.​​