​​      Особено задоволство ми е да се обратам на денешната конференција по повод завршување на проектот кој се спроведуваше во Република Македонија во изминатите 18 месеци и кој имаше за цел усогласување на домашното законодавство со регулативата на ЕУ во областа на движење на капитал и платни и финансиски услуги со посебен осврт на пазар на хартии од вредност и инвестициски услуги. Исто така, оваа прилика ја користам во име на Комисијата за хартии од вредност на РМ да се заблагодарам на Европската Унија за велокодушната поддршка која ја даде за реализиција на нашата визија за приближување на Република Македонија до земјите членки на Унијата во областа на пазарот на хартии од вредност рече М-р Елизабета Чингаровска, Претседател на КХВ на РМ. Според неа, целите и принципите на работење и вредностите на КХВ, не мотивираат целосно да се усогласиме и да ги имплементираме релевантните ЕУ Директиви и да донесеме подобри закони, со што сите овластени пазарни учесници-берза, депозитар, инвестициски фирми ќе можат да ги планираат своите активности однапред и со поголема сигурност,што несомнено ќе доведе до раст и развој на пазарот на хартии од вредност, како значаен сегмент на македонската економија.Во изминатиот период ние сите упорно потсетувавме дека пазарите на хартии од вредност не функционираат во изолација и дека се што се случува во сите да дојде до подобрување на состојбите, потребно е да имаме модерно законодавство, компатибилно со Европската Унија или стандардизиран систем на закони кои важат во сите земји – членки. Затоа, преку имплементацијата на регулативата на ЕУ, сакаме да создадеме модерен и ефикасен пазар на хартии од вредност кој е отворен за соработка и интеграција со останатите финансиски пазари од Европа, со што рече Чингаровска ќе се искористи целосниот потенцијал на единствениот европски финансиски пазар, поддржан од модерната инфраструктура.Создавањето на посилен и високо регулиран пазар на хартии од вредност, усогласен со ЕУ регулативата ќе ја зголеми финансиската еластичност и ќе помогне парите да се движат таму каде што може да бидат најпродуктивни, каде што ќе можат да го помогнат развојот на компаниите. Таквиот пазар ќе може полесно да ги ангажира заштедите на граѓаните за постиг​​​​​нување на поефикасен раст, канализирање на инвестициите кон проекти на кои им треба финансирање, отварање на нови алтернативи за финансирање на деловните потфати на компаниите подвлече Претседателката на КХВ на РМ. Доколку навремено и целосно ги имплементираме ЕУ регулативите, дотолку побрзо ќе можеме да се надеваме на влез на повеќе странски инвестотори кои преферираат стабилност наместо постојано менување и неусогласеност на регулативата, континуирани и сигурни наместо високи, а еднократни приходи. Сето ова, рече Чингаровска ме мотивира, заедно со мојот тим да работиме на изградба на поликвиден, постабилен, поефикасен пазар на хартии од вредност кој се повеќе ќе се користи при финансирање за бизнисите во Македонија, како и за обезбедување на повеќе можности за потенцијалните инвеститори. Претседателката на КХВ ја спомена и СЕЕ Линк платформата во која се вклучени неколку берзи од регионот, а со која се создаде добра инфраструктура за инвеститорите, на домашните вложувачи и на финансиските посредници им се отворија нови бизнис можности, за почеток компаниите од трите земји веќе се доближија кај потенцијалните инвеститори. Ако на ова се додаде и предложената законска регулатива изготвена преку овој проект, финансиран од Европската Унија,според Чингаровска може да се констатира дека состојбите на македонскиот пазар на хартии од вредност се движат во позитивна насока.​