​

             Координациското тело на регулаторните институции за финансиска едукација во Македонија-Народната банка на Република Македонија, Министерството за финансии, Агенцијата за супервизија на осигурувањето, МАПАС и Комисијата за хартии од вредност на Република Македонија, во соработка со Бирото за развој на образованието и Сојузот на микрофинансиски организации, од 27 март до 2 април ја одбележуваат Глобалната недела на парите. Темата за оваа година на Глобалната недела на парите е „Учи! Штеди! Заработи! ", со намера младите луѓе да научат да штедат за својата иднина.

Оваа иницијатива ја подигнува свеста кај младите преку учење за тоа како функционираат парите, вклучувајќи го штедењето, вработувањето и претприемаштвото. Секоја година, младите луѓе разговараат, читаат и учат за економските и за финансиските системи преку најразлични активности што ги спроведуваат државните институции.

На првиот ден, 27 март од Глобалната недела на парите, ученици од четири основни и средни училишта од Скопје,ги посетија Народната банка, Министерството за финансии, Агенцијата за супервизија на осигурувањето, МАПАС и Комисијата за хартии од вредност на Република Македонија, како и на Македонската берза, Музејот на пари при Народната банка, еден пензиски фонд, инвестициски фонд, комерцијална банка, штедилница и осигурителна компанија.

КХВ беше домаќин на ученици од IV-та година од Економското училиште Васил Антенски Дрен, што претставуваше добра шанса за средношколците да се запознаат со улогата на Комисијата како регулатор на пазарот на хартии од вредност .

Целта на Меѓународната организација за финансиска едукација на деца и млади е да ги поттикне младите да инвестираат во својата иднина, истакнувајќи ја важноста на раната финансиска едукација, со што ќе станат свесни за своите финансиски права, ќе им ја олесни пристапноста до финансиските услуги и ќе ги развие нивните финансиски вештини.

Во Македонија ,Глобалната недела на парите се одбележува  во повеќе денови, преку посета  на училишта во Велес, Неготино, Тетово,Гостивар, Охрид и во Струга. На 19 април кога и е официјалното затворање се најавува голем настан во Градскиот парк на кој ќе бидат присутни институциите коишто ги предводат овие активности и финансиските институции од целиот финансиски сектор.  Инаку, посетите се изведуваат со препознатливи, обележани едукативни автобуси.