​

Од 13 мај во Скопје Сити мол се одржa јавниот настан „Денови на финансиската писменост" на кој зема учество и Комисијата за хартии од вредност на Република Македонија. Тридневниот настан имаше за цел да стави силен акцент на финансиската едукација кај луѓето, како и да се подигне нивото и општата свест за финансиската писменост.

На официјалното отворање на настанот свое обраќање имаа министерот за финансии, гувернерот на Народната банка на Република Македонија, претседателот на Советот на експерти од Агенцијата за супервизија на осигурувањето и претседателот на Советот на експерти на Агенцијата за супервизија на капитално финансирано пензиско осигурување.

Овој тридневен настан беше исполнет со многу активности коишто овозможија финансиска едукација на сите посетители. Преку изложбен дел, посетителите се информираа за сите финансиски параметри во врска со одредени теми коишто ги засегаат, имаше презентации на одредени продукти од учесниците, како и голема забава за најмладите со нивното вклучување во проекти со кои од рана возраст ќе се влијае на нивната финансиска писменост преку финансиско-едукативни активности. Мултимедијалните пултови беа отворени во периодот од 12 до 20 часот.

„Деновите на финансиската писменост" беше во организација на Скопје Сити мол во соработка со Координациското тело на регулаторните институции за финансиска едукација во Република Македонија, Народната банка на Република Македонија, Министерството за финансии, Агенцијата за супервизија на осигурувањето, Комисијата за хартии од вредност на Република Македонија и Агенцијата за супервизија на капитално финансирано пензиско осигурување.

На овој мултимедијален настан учествуваа претставници на финансиските институции како што се: банките, штедилниците, друштвата за осигурување, друштвата за управување со пензиските фондови и микрофинансиските институции.