​

Советот на Европа на  иницијатива на Комисијата за хартии од вредност на Република Македонија организираше дводневна работилница на тема"Основи на спречување на перење пари и финансирање тероризам за брокери и друштва за животно осигурување.

Работилницата  се реализираше како дел од Проектот против економски криминал во рамки на Хоризонталната програма, а во соработка со Управата за Финансиско Разузнавање и Агенцијата за супервизија во осигурувањето.

Во своето обраќање, Претседателката на Комисијата за хартии од вредност М-р Нора Алити порача дека Комисијата како регулатор на пазарот на капитал  силно и  посветено се залага за доследна примена на Законот за спречување перење пари и финансирање на тероризам од што се наметнува и потребата за вземна и ефикасна соработка од страна на брокерските куќи како прв браник во оваа активност.

Претседателката на КХВ истакна дека  органите на надзор, неопходно е да ја гледаат широката слика и да заземат координиран и интегриран пристап во борбата против перење пари и финансирање на тероризам. Ова од причина што субјектите над кои Комисијата врши надзор, не ретко се појавуваат и како субјекти врз кои надзор вршат и други органи на надзор, па оттука од особена важност е споделувањето на информации и кога се цени соодветно и спроведувањето на заеднички контроли со цел да се обезбеди дека надзорот над примената на законските обврски нема да паѓа меѓу пукнатините на регулаторните граници.

Учесници на работилницата која се одржа на 11 и 12 септември, 2018 година во Скопје беа претставници на брокерските куќи и овластените банки,  како и  осигурителни  друштва кои во Република Македонија работат со животно осигурување.