На оваа веб страна се користат колачиња кои не содржат лични податоци и служат со единствена цел за подобрување на корисничкото искуство. Со Вашето присуство на веб страната се подразбира дека се согласувате за користењето на овие колачиња. За повеќе детали во однос на заштитата на личните податоци прочитајте ја Политиката за колачиња.
Në këtë faqe të internetit përdoren biskota të cilat nuk përmbajnë të dhëna personale dhe shërbejnë me qëllim të vetëm për përmirësimin e përvojës së përdoruesit. Me prezencën Tuaj në faqen e internetit nënkuptohet se pajtoheni për përdorimin e këtyre biskotave (cookies). Për më tepër holllësi në lidhje me mbrojtjen e të dhënave personale lexoni Politikën e përdorimit të biskotave (cookies).
The website uses cookies that do not contain personal data and serve for the sole purpose of improving the user experience. Your presence on the website implies that you agree to the use of these cookies. For more details about personal data protection, please read the Cookie Policy.
Претседателот на Комисијата за хартии од вредност на Република Северна Македонија М-р Нора Алити денеска на 1 март, 2019 година беше домаќин на нејзиниот колега, Извршниот директор на Агенцијата за регулирање на финансискиот пазар во Република Албанија (FSA), Ервин Кочи. И двајцата, направија краток опис на пазарите над кои вршат надзор, при што беше потенцирано значењето на пазарот на капитал во вкупната економија на земјата. На оваа работна средба беа утврдени заедничките приоритети и можностите за поблиски билатерални односи, кои треба да придонесат за инклузивен и одржлив развој на пазарите на капитал во двете земји.
Посебен акцент беше ставен на активностите што двата регулатора ги преземаат за перманентно усогласување и примена на домашното законодавство со европските директиви, а со цел пазарите на капитал да бидат конкурентни со финансиските пазари на земјите во регионот, како резултат на изедначени услови и правила за инвеститорите.
Беа разменети искуства за супервизорската функција и надзорните овластувања , а во тој контекст и за супервизијата базирана на ризик (risk-based approach). М-р Алити и Господинот Кочи дискутираа и за проектите кои досега ги реализирале или се во тек, а сe за зајакнување на интегритетот на пазарот, за можностите за нови финансиски инструменти, за унапредување на институционалните перформанси, како што се инвестициите во ИТ и дигиталната инфраструктура, развој на оперативно - стручниот капацитет на институциите, како и за алтернативите за заедничко промовирање на пазарите на капитал и за финансиска писменост.
Првите луѓе на КХВ и FSA сметаат дека преку меѓусебна размена на информации , а по потреба и експертиза , како и со координиран и интегриран пристап заеднички можат да придонесуваат во борбата против перењето пари и финансирање на тероризам во регионот.
Претседателот на Комисијата за хартии од вредност на Република Северна Македонија, М-р Алити и Извршниот Директор на FSA, Ервин Кочи , оваа посета ја оценија како многу важна, која ќе биде поттик да се продлабочи соработката и да се зајакнат односите меѓу двете институции .