Програмата за сертифициран портфолио менаџер претставува развивање вештини, односно учење за тоа како да се спроведат мерењата на портфолиото. Со секој модул и тематска единица од Програмата, слушателите се стекнуваат со  јасна слика за портфолио стратегиите кај различни класи на имот, вклучувајќи го фиксениот принос, капиталот и алтернативните начини на финансирање. Главна цел на оваа обука е развивањето на вештини за проценка на основната веројатност и статистика, запознавањето со сите инструменти и концепти на фиксениот принос и запознавање со развиените концепти за вреднување на капиталот.  

         Во изминатиов период слушателите на првата организирана обука согласно Сертифицираната програма за портфолио менаџер која е изработена од страна на Комисијата за хартии од вредност на Република Северна Македонија во соработка со Академијата АБИТ, а која истите ја започнаа на почетокот на оваа година успешно го совладаа првото ниво.

         Во првото ниво слушателите имаа можност да се запознаат со квантитативните методи на вреднување на портфолиото и анализата на финансиските извештаи. По спроведеното тестирање на стекнатото знаење, сите слушатели истото успешно го положија и се стекнаа со Сертификат за положено првото ниво од Сертифицираната програма за портфолио менаџер кои денес беа доделени во просториите на Комисијата.

       Следниот период од три месеци ќе продолжат предавањата од второто ниво на програмата, кои ќе се осврнат кон повеќе теми од областа на корпоративните финансии, инвестициските инструменти и вреднувањето на сложените инвестициски инструменти.