На првиот ден од Глобалната недела на пари – 18.03.2024 година, се одржа првиот круг од националниот натпревар Европски квиз на парите, каде што се натпреваруваа над 1000 пријавени ученици од основните и средни училишта во нашата држава.

Најголем успех на натпреварот имаа Кирил Китевски и Кристијан Лазароски од СОУ ,,Цар Самоил,, од Ресен со менторката Дијана Ѓоргиевска, Стефани Георгиевска и Филип Клобучински од СЕПУГС Васил Антевски-Дрен од Скопје со менторката Билјана Ниновска, Марија Трпинова и Калина Трпчевска од ООУ „Стив Наумов“ од Скопје, со менторката Даниела Димишковска, Даниела Трајковска и Дениција Атанасова од СЕПУГС Васил Антевски-Дрен од Скопје со менторката Билјана Ниновска, Лара Росоманска и Елена Ризова од СОУ Гимназија „Добри Даскалов“ Кавадарци со менторката Лоска Давчева и Спасенија Димова и Катерина Трпевска од ООУ ,, Пере Тошев " од Росоман со менторката Андриана Николова.

Тимовите продолжуваат во вториот финален круг, кој ќе се одржи на 21.03.2024 година, а победничкиот тим ќе ја претставува нашата земја на европското финале, на 19-ти април во Брисел, Белгија.

Нашата држава по шести пат учествува на Европскиот квиз на пари – проект на Европската банкарска федерација наменет за финансиска едукација на учениците од 13 до 15 години, што кај нас го организира Македонската банкарска асоцијација во соработка со Комисијата за хартии од вредност и Народната банка на Република Северна Македонија.