Од 29 до 31 мај годинава ќе се одржи третото издание на Деновите на финансиска писменост, коешто го организираат финансиските регулаторни институции во земјата преку цврста соработка со приватниот сектор. Во текот на Деновите, се очекува јавниот и приватниот сектор уште повеќе да ги отворат вратите за јавноста, спроведувајќи бројни информативно-едукативни средби за сите заинтересирани граѓани.

            Комисијата за хартии од вредност на Република Северна Македонија, како еден од организаторите на оваа манифесација и учесник на Деновите на финансиска писменост, упатува

           Во текот на одбележувањето на Деновите на финансиската писменост во периодот 29 до 31 мај 2019 година, на платото пред седиштето на Комисијата за хартии од вредност на Република Северна Македонија на адреса ул. Македонија број 25 Палата Лазар Поп Трајков во периодот од 11 часот до 13 часот ќе биде  поставен инфо-пулт, на кој заинтересираните граѓани (минувачи) ќе можат да добијат одговор на сите прашања кои ги имаат во врска со работата на регулаторот на пазарот на хартии од вредност, финансиските инструменти, заштитата на акционерските права, како и сите останати прашања кои граѓаните ги интересираат а се од областа на хартиите од вредност и на пазарот на капитал.

           Едукацијата, ќе биде наменета  за сите заинтересирани лица со основно или понапредно ниво на знаења, односно ќе ги опфатат како основните, така и подеталните аспекти од наведените области. Заинтересираните ќе имаат можност преку прашања и дискусија со вработените во Стручната служба на Комисијата за хартии од вредност на Република Северна Македонија да добијат одговор на сите отворени прашања и дилеми кои ги имаат од оваа област.

          Имено ја информираме јавноста дека сите овластени учесници на пазарот на хартии од вредност (брокерски куќи, дирекции за работа со хартии од вредност при банките и друштвата за управување со инвестициски фондови, Македонската Берза и Централниот депозитар за хартии од вредност ) ќе се приклучат во одбележувањето на оваа манифестација и истите ќе бидат отворени за сите граѓани кои имаат интерес и прашања околу тргувањето и вложувањето во хартии од вредност.

         Во рамки на одбележувањето на Деновите на финансиска писменост, Комисијата за хартии од вредност на Република Северна Македонија ќе реализира и посети на неколку економски средни училишта во државата. Овие посети ќе бидат од едукативен карактер и секако воспоставување на понатамошна соработка во насока на подигнување на финансиската писменост кај средношколците.

         Во таа прилика, ќе се промовира Поимникот на основни поими од областа на пазарот на хартии од вредност кој Комисијата за хартии од вредност на Република Северна Македонија го изработи годинава на три јазика (македонски, албански и на англиски јазик) и со кој верува дека ќе допринесе во полесно разбирање на пазарот на хартии од вредност.