Симона Ковачевска -Стефанова, Докторанд на Економскиот факултет во Скопје, вработена  на позицијата Економист во Канцеларијата на Меѓународниот монетарен фонд во Скопје е авторот кој ја освои наградата на Комисијата за хартии од вредност за 2022 година од областа на пазарот на капитал. Наградениот труд  е со наслов: Детерминанти на цената на дозволите за емисии на јаглерод диоксид во ЕУ ЕТС и поврзаност со пазарот на капитал,,.

Одборот за оценување и избор на најдобар труд од областа на пазарот на капитал, со кој претседаваше Д-р Јетон Мазлами - Професор на Факултет за бизнис и економија при УЈИЕ, Претседател, а членови беа Д-р Сашо Арсов -  Професор на Економскиот  факултет  при  УКИМ, Д-р Вјолца Хасани Лимани – Професор на Економски факултет при Универзитетот во Тетово , М-р Габриела Јовева Ѓуровска- Главен советник за односи со јавност во КХВ  и Мате Стојановски- Главен правен советник во КХВ, при изборот се раководеа меѓу другото, од релевантноста и атрактивноста на истражуваното подрачје, соодветноста на искористената литература и дадените заклучоци и препораки.

Извештајот од Одборот за оценување и избор на најдобар  труд    е достапен на следниот линк: www.sec.gov.mk/media/files/2023/Резултати%20од%20конкурсот%202022-КХВ%20(мк).pdf

КХВ  ја доделува  Годишната награда за млади истражувачи   по четврти пат. Со наградата за истражувачки труд, КХВ  ја мотивира младата популација за унапредување и развој на истражувачката   работа во областа на пазарот на капитал, како и афирмација на млади и стручни кадри, а со тоа и зајакнување на институционалната општествена одговорност од сите аспекти на своето делување.

Комисијата за хартии од вредност во континуитет  презема бројни активности со кои ја поттикнува научно-истражувачката мисла во областа на пазарот на хартии од вредност и придонесува за унапредување на знаењето на младите како идни носители на политиките. Една од тие активности е и Конкурсот за доделување на Годишна награда за млади истражувачи за најдобар труд од областа на пазарот на капитал , кој  КХВ го предвидува  во Годинашните програми  за работа.