На 18-03-2019 година (понеделник) официјално започнаа предавањата од Сертификационата обука за портфолио менаџер која Комисијата за хартии од вредност на Република Северна Македонија ја организира во соработка со  Академијата за банкарство и информатичка технологија – АБИТ.

       Структурата на слушатели кои се пријавија и ја следат Програмата за сертифициран портфолио менаџер се од банкарскиот сектор, како и дирекциите за работа со хартии од вредност во рамки на банките.         

      Предавањата се реализираат секој понеделник и среда во просториите на Комисијата за хартии од вредност на Република Северна Македонија – Конференциска сала со почеток од 17.00 часот и во времетраење од три школски часа. 

     Во следните три месеци во рамките на оваа обука ќе се спроведат предавањата од првото ниво од Програмата која вклучува два модули, а кои ја разработуваат тематската област Квантитативни методи на вреднување на портфолиото и Анализа на финасиски извештаи.

      Во првото ниво, слушателите ќе имаат можност да ги развијат вештините за проценка на основната веројатност и статистика, но и да се запознаат со инструментите и концептите со фиксен принос, како и концептите за вреднување на капиталот.     

      Огромно задоволство за слушателите е што своите вештини ќе ги усовршат во соработка со едукатори кои се реномирани експерти во оваа област, како од унверзитетската фела така и од индустријата и кои согласно структурата на предавања се одлични познавачи на оваа материја.