Во рамките на инцијативата која Комисијата за хартии од вредност на Република Северна Македонија ја покрена за време на одбележувањето на Деновите на финансиска писменост, на 30-ти мај 2019 година, Претседателот на Комисијата М-р Нора Алити потпиша Меморандум за соработка со Средното општинско училиште „Перо Наков", Куманово  претставено од Директорот Мила Жибак-Димковска, како и со Средното општинско училиште „Јовче Тесличков" Велес претставено од Директорот Оливера Коцевска.

Целта на оваа иницијатива е да се допринесе на образовниот систем во нашата држава, подобра практична настава на средношколците кои ќе го продолжат своето понатамошно образование во областа на економијата и финансиите.  

Комисијата ќе ги вложи сите свои капацитети и напори, за да им овозможи стручна подготовка на учениците за идните предизвици во областа. Идната едукација која ќе ја спроведува ќе е фокусирана на практично пренесување на знаење и искуство од областа на хартиите од вредност.

Во рамките на оваа едукација, Комисијата во соработка со останатите учесници на пазарот на капитал ќе им овозможат на учениците да се запознаат со функционирањето на пазарот и неговите предизвици.