Врз основа на Извештајот од Одборот за оценување и избор на најдобар труд од областа на пазарот на капитал ( во состав: Д-р Вјолца Хасани Лимани, Професор на Универзитетот во Тетово - Претседател, Д-р Димитар Гелев, Професор на Универзитетот “Св. Кирил и Методиј” во Скопје – Член; Д-р Аргетим Салиу, Професор на Универзитетот “Мајка Тереза“во Скопје – Член; М-р Габриела Јовева Ѓуровска, Главен советник за односи со јавност во Комисијата за хартии од вредност – Член и Мате Стојановски, Главен правен советник во Комисијата за хартии од вредност – Член)  кој на 4 април, 2024 година ги разгледа, соодветно евалуира доставените  трудови и изврши рангирање и избор на најдобар труд од областа на пазарот на капитал за 2023 година,  Комисијата за хартии од вредност ги додели наградите за младите истражувачи кои учествуваа на Конкурсот за доделување на Годишна награда за млади истражувачи за најдобар труд од областа на пазарот на капитал објавен на 18.10.2023 година.

Резултатите се следни:

ПРВА НАГРАДА

“Улогата и влијанието на пазарот на капитал врз економскиот развој на земјите од Западен Балкан   “ од авторот Rudina Etemi;
На авторот на прворангираниот труд  му се доделува Годишната (прва) парична награда од 50. 000 денари во нето износ.

ВТОРА НАГРАДА

“Обид за предвидување на цената на акцијата на Макпетрол АД Скопје преку статистичкиот модел ARIMA и влијанието на војната меѓу Русија и Украина врз цената “  од авторите Diedon Ramadani и Xhihad Shabani;
Авторите на второрангираниот  труд  ја поделија втората парична награда од 30. 000 денари во нето износ .
 
ТРЕТА НАГРАДА

“Улогата на пазарот на капитал во зелено финансирање  – Издавање на зелени обврзници ” од авторите Parajsa Kokale и Samie Neziri – Xhabiri;
На авторите  им се доделува третата  парична награда од 20. 000 денари во нето износ.

Извештајот од Одборот за оценување за рангирање и избор на најдобрите трудови е достапен на следниот линк: www.sec.gov.mk/media/files/2024/Резултати%20од%20конкурсот%202023-КХВ%20(мк).pdf  

Конкурсот за доделување на Годишна награда за млади истражувачи за најдобар труд од областа на пазарот на капитал е активност која КХВ ја предвиде во Програмата за работа за 2023 година, со цел поттикнување на развојот на научната мисла и изработка на трудови од областа на пазарот на хартии од вредност, како и афирмација на млади и стручни кадри, а со тоа и зајакнување на институционалната општествена одговорност од сите аспекти на своето делување. Конкурс за доделување на Годишна награда за млади истражувачи за најдобар труд од областа на пазарот на капитал, Комисијата објавува кoнтинуирано започнувајќи од 2019 година.