На 31 мај,2024 година, на покана на Економскиот факултет при Универзитетот во Тетово, Претседателката на Комисијата за хартии од вредност, М-р Нора Алити учествуваше на тркалезна маса за учеството на жените во финансиите на тема Empowering Women in Finance - Shattering the Glass Ceiling („Поддршка на жените во финансиите-рушење на бариерите”). Настанот го отвори ректорот на Универзитетот во Тетово проф. д-р Јусуф Зејнели, а се обрати и деканот на Економскиот Факултет, проф. д-р Брикенд Азири.  

Во оваа прилика, Претседателката Алити меѓудругото рече: ,,Доминацијата на мажите во инвестициите не значи дека тие се подобри инвеститори. Всушност, според студијата на гигантот Fidelity Investments, жените се сметаат за најдобри инвеститори. Во ова истражување, каде се анализирани повеќе од 8 милиони инвестициски сметки, излегува дека жените оствариле поголем профит од инвестиции за 0,4% годишно. Можеби ова не изгледа како голема разлика, но всушност не е мала ако се земе предвид временската димензија на инвестициите, односно временскиот распон од неколку години на портфолиото, потенцираше Претседателката на КХВ. 

Покрај Претседателката на КХВ, М-р Нора Алити на панелот учестуваа и Гувернерката на Народна банка, Анита Ангеловска-Бежоска ,Главниот извршен директор на Македонска берза, Иван Штериев, продеканката на Економскиот факултет Вјолца Хасани Лимани и Гзиме Фејзи од компанијата Фејзи.  Фокусот на сите панелисти беше ставен на улогата на жените во финансиите низ различни аспекти на родовата еднаквост, предизвиците со кои се соочуваат жените во финансиската индустрија, можностите за зајакнување и стратегиите за промовирање на инклузивноста.