Финансиски иновации и инвестиции под неизвесност беше панелот на кој учествуваше Претседателката на Комисијата за хартии од вредност М-р Нора Алити заедно со Заменик Министерот за финансии Филип Николоски, Директорот на Македонската берза АД Скопје Иван Штериев, Директорот на ФИТР Фестим Халил, Директорот на ТИРЗ Јован Деспотовски и Главниот извршен директор на Халк Банка АД Скопје Билал Сиџубаши .

Главната поента беше дека иновациите во финансискиот систем треба да бидат пропратени со регулатива која што ќе ги поддржува иновациите, но истовремено и да ги заштитува инвеститорите.

Скопскиот економски и финансиски форум  #SEFF е иницијатива на Министерството за финансии, а платформа за презентација  на  јавните политики на релевантни регионални теми.
Главен говорник и специјален гостин на настанот беше истакнатиот американски професор и добитник на Нобеловата награда за економија, Пол Кругман. Фокусот на настанот, кој во Скопје успеа да ги собере најпрестижните имиња од светот на економијата, бизнисот и на финансиите, беше поставен на макроекономските предизвици во турбулентни времиња, на отпорноста, конкурентноста и на регионалната соработка, на енергијата, зелената транзиција и на инфраструктурата, но и на двигателите на растот по кризата.