На 17 јуни 2026 година во просториите на Македонската берза се одржаа подготовки на ученичкиот тим кој ќе ја претставува државата на претстојните натпревари во рамки на Деветтата Меѓународна олимпијада по економија (IEO 2026) кои ќе се одржат во Суџоу, Народна Република Кина  од 12 до 20 јули 2026 година.

Настанот беше реализиран со поддршка на Комисијата за хартии од вредност, Македонска берза и Агенцијата за супервизија на осигурување, чии претставници преку предавања и дискусии непосредно ги запознаа учениците со  функционирањето на финансиските пазари, институциите на финансискиот систем и нивната улога во економскиот развој.

Македонската економска олимпијада претставува платформа за поттикнување на интересот кај младите за економијата и финансиската писменост, овозможувајќи им на најуспешните ученици да ги покажат своите знаења и способности и да стекнат искуства што ќе придонесат за нивниот понатамошен академски и професионален развој.