Претседателот на Комисијата за хартии од вредност на Република Северна Македонија М-р Нора Алити денеска на 14 март, 2019 година во Министерството за финансии учествуваше на Третата седница на Советот за развој на пазарот на капитал на која што се дискутираше за прашања поврзани со пазарот на хартии од вредност. Со Советот претседава  Министерот за финансии Драган Тевдовски, а во него  членуваат и Гувернерот на НБРСМ, министрите за труд и социјална политика и за економија, првите луѓе на Агенцијата за супервизија на осигурувањето, Агенцијата за супервизија на капитално осигурување(МАПАС), на Македонската берза, Централниот депозитар, претседателите на групациите за банкарство и хартии од вредност при СКМ и директорите на приватните пензиски фондови.

  Основна цел на Советот е унапредување на пазарот на капитал што пак ќе влијае позитивно на одлуките на потенцијалните домашни и странски инвеститори да вложуваат во домашната економија.