Претседателот на Комисијата за хартии од вредност на Република Северна Македонија М-р Нора Алити на  23 мај, 2019 година учествуваше на Форумот  ,,Инфраструктура на пазарите на капитал во земјите од Централна и Источна Европа организиран од страна Raiffeisen Банка од Виена.  

Во рамките на Форумот, Претседателката Алити заедно со  Konstantin Saroyan, Генерален Секретар на FEAS, Isabela Olszewska, Член на Бордот на Варшавската берза, Atilla  Toth од Европската банка за обнова и развој, Richard Vegh, Извршен директор на Берзата во Будимпешта, а под модераторство на Richard Schwartz од Global Custodian  дискутираа на тема ,, Институционалните инвестиции и развојот на пазарот на капитал- Пиле или јајце? ,,.

 Беа истакнати стратегиите кои ги имплементираат берзите од Централна и Источна Европа со цел да привлечат и задржат поголем број на домашни и на странски инвеститори, активностите кои се преземаат за создавање на конкурентни услови и поволна инвестициска клима, кои би ја отвориле „спиралата" за забрзување на инвестициите, како и механизмите за промовирање на пазарното финансирање на компаниите во сите фази од нивниот развој.

 Панелистите потенцираа дека во изминатиот период и покрај атрактивноста на инвестициските фондови, сепак случувањата на берзите кои се интегрираниот мотор на перформансите на компаниите се од особено значење за ликот на целокупната економија на државите од Централна и Источна Европа, посебно за оние кои ги започнуваат интегративните процеси со ЕУ.