На 17-04-2019 година Комисијата за хартии од вредност на Република Северна Македонија во рамките на својата едукативна функција беше домаќин на  студентите од втора и трета година на Факултетот за деловна економија и организациони науки при Универзитетот „Американ Колеџ„ од Скопје и се одржа предавање од областа на пазарот на хартии од вредност.

          На средбата студентите подетално се запознаа со функцијата и со надлежностите на Регулаторот на пазарот на хартии од вредност, како и со  работата на Стручната служба во рамки на Комисијата. Секој од секторите во рамките на Стручната служба на Комисијата ги претставија задачите и одговорностите кои ги имаат во своето професионално спроведување на работните процеси кои произлегуваат од надлежностите и овластувања на Регулаторот. Воедно, студентите се запознаа и со надзорот кој Комисијата го врши врз пазарните учесници односно вработените ја презентираа надзорната станица преку која се следи тргувањето на официјалната берза на хартии од вредност.

        Ваквата заложба на Комисијата за хартии од вредност на Република Северна Македонија ќе остане во фокусот, но и ќе продолжи во иднина, бидејќи таа е од клучно значење за поттикнување на поквалитетно образование за младата популација во нашата држава.