На 21-ви јуни 2019 година, нови 22-ца учесници на Втората обука за корпоративни секретари во организација на Комисијата за хартии од вредност на Република Северна Македонија, Македонската Берза АД Скопје и Институтот на директори, се стекнаа со сертификати за успешно завршена обука.

Тридневната обука придонесе секој од слушателите да се стекне со корисни практики во рамки на доброто корпоративно работење и вештини за подобра комуникација и евалуација на одборите на директори.

Слушателите во рамките на оваа втора обука од овој тип, имаа можност и да си ги споделат искутвата и начинот на работење во рамките на своите компании. Низ интерактивната дискусија помеѓу слушателите и предавачите, се споделија многу примери и споредби на корпоративното управување во јавниот и приватниот сектор во државата.

Заклучокот од сите присутни на Втората обука за корпоративни секретари беше дека, ваквите обуки во иднина треба почесто да се организираат, се со цел оваа професија која е една од поважните меѓу корпоративниот свет, во Република Северна Македонија да се издигне на едно повисоко ниво.

Комисијата за хартии од вредност на Република Северна Македонија, заедно со Македонската Берза АД Скопје и Институтот на директори, ќе продолжи и понатаму во насока на организирање на ваков тип на обуки и секако во иднина развивање и проширување на програмата на обуката за корпоративни секретари.