“Почетоците на пазарот на хартии од вредност во Република Северна Македонија” е насловот на новата   брошура во издание на Комисијата за хартии од вредност на Република Северна Македонија што е само една од активностите кои КХВ ги презема за одбележување на ,,Деновите на финансиска писменост“.

Брошурата на лесен и разбирлив начин ги објаснува  формирањето и развојот на пазарот на хартии од вредност, регулативата која ја уредува областа на хартиите од вредност и регулацијата и финансиските институции кои се дел од овој пазар и  истата  може да се најде на следната локација на веб страната  линк на македонски и на албански јазик.

Комисијата за хартии од вредност, како членка на Координациското тело за финансиска писменост и инклузија во континуитет  инвестира во финансиска едукација на различни целни групи и истовремено е активно вклучена во процесот за јакнење на финансиската писменост кој заедно го спроведуваат  регулаторите. Целта е  да се подигне свеста кај  населението, што пак придонесува и за натамошен развој на финансискиот систем и за подобрување на благосостојбата на населението.