Комисијата за хартии од вредност на Република Северна Македонија заедно со Природно- математичкиот факултет од Скопје при УКИМ и Сојузот на математичари на Македонија склучија Меморандум за соработка со цел да се зголеми финансиската едукација кај младата популација и нивната писменост. Потписници на Меморандумот се Претседателката на Комисијата, М-р Нора Алити, Деканот на Природно - математички факултет, Проф. Д-р Даворин Трпески и Претседателот Сојузот на математичари на Македонија, Проф Д-р Ѓорѓи Маркоски.

Овој меморандум кој се склучува за потребите на Македонската економска олимпијада која традиционално се организира во нашата земја ќе овозможи полесно  откривање, поддршка и поттикнување на натпреварувачкиот дух кај учениците од средното образование кои преку предавања од страна на експерти од Комисијата за хартии од вредност  ќе се стекнат со продлабочени знаења од областа на финансиските пазари, економијата и инвестирањето.

Најуспешните ученици ќе се натпреваруваат на финалето на Меѓународната економска олимпијада, која ќе се одржи во Хонг Конг на крајот од овој месец.