Во периодот од 10 до 12 септември 2024 година, вработени лица во Стручната служба на Комисијата од Секторот за супервизија на пазарот на капитал беа на TAIEX студиска посета во Хрватската агенција за надзор на финансиски услуги (ХАНФА).
Целта на посетата беше пренесување на практичното искуство на Хрватскиот регулатор во однос на примената на европската регулатива за пазарите на капитал, a особено на постапките за стекнување на директно и индиректно квалификувано учество, потребната документација и постапката за лиценцирање на  инвестициските друштва и банките, практичниот начин на спроведување на супервизија и детектирање на определени неправилности, како и запознавање со системите за супервизија кои ги користи Хрватскиот регулатор  и обработка на податоци кои се доставуваат до него. Преку оваа студиска посета под покровителство на Европската Унија се овозможи збогатување на знаењето на вработените во  Комисијата заради  успешна импементација на новите закони од областа на пазарот на капитал.
Во рамки на студиската посета беше организирана и посета на Загребачка Берза, на која беа презентирани системите за надзор над тргувањето и начинот на супервизија на издавачите чии акции котираат на оваа Берза.