Претставници на Комисијата за хартии од вредност на 23-тата Годишна конференција на Берзата  која што се одржа во периодот од 19- 21  септември во Охрид во организација на Македонската берза Скопје имаа специјална презентација на тема „Европска правна рамка за македонскиот пазар на капитал“.

 За новините кои ги носи новата правна регулатива на домашниот пазар на капитал, како и за предизвиците и придобивките од усогласување на националното законодавство со европската рамка за пазарот на капитал, пред претставници од финансискиот сектор и индустријата на хартии од вредност, котираните компании и другите друштва, државните институции и универзитетите и сите останатите субјекти чија дејност е поврзана со работењето или инвестирањето во хартии од вредност  диксутираа Јасна Смилева, Раководител на стручна служба, КХВ, Славица Илиевска, Самостоен инспектор, Сектор за супервизија на пазарот на капитал, КХВ и Анета Трајаноска, Самостоен советник, Сектор за корпоративни финансии, КХВ.