Комисијата за хартии од вредност на Република Северна Македонија како општествено одговорна институција која се грижи за заедницата, се приклучи во борбата против аерозагадувањето  и заштитата на животната средина. Имено, доставувачката служба своите активности  во централното градско подрачје ќе ги врши со велосипед. На тој начин, КХВ дава свој придонес кон мерките за намалување на аерозагадувањето и сообраќајниот метеж, што ги спроведува Владата на Република Северна Македонија. 

Во континуитет, Комисијата за хартии од вредност на Република Северна Македонија има грижлив однос кон животната средина и една од нашите заложби  е имплементацијата на paperless office , односно работење без хартија. Во таа смисла, седниците на КХВ како колективно тело се одвиваат по електронски пат или Е-седница, а во тек е инвестирањето во  Business Process management System и е-Архива.

Вложувајќи во заедницата, менаџментот и вработените на нашата институција, учествуваат во еко-акции, самостојни или во кординација  со Министерството за животна средина и просторно планирање и на тој начин помагаат да се подобрат целокупните услови во поширокото опкружување.