Денес, 17-05-2023 година, Комисијата и Меѓународниот Балкански Универзитет ја потврдија својата понатамошна соработка преку потпишување на Меморандум за соработка за заеднички заложби во придонесувањето на квалитетно високо образование во областа на економијата и правото.

Имено, активностите кои ќе произлезат од овој стратешки документ, ќе се поддржуваат преку давање на ресурсна и просторно-техничка логистика за реализацијата на целокупното едукативно портфолио за неформално стручно образование и тоа: стручни семинари, конференции, трибини, форумски дебати, обуки, практична едукација и работа за студентите од прв и втор циклус на студии од економски и правен факултет при Универзитетот.

Основната цел на двете страни потписнички е да се изгради долготрајна партнерска соработка, со што, тие ќе работат на стручна неформална едукација за студентите од прв и втор циклус на студии во областите на економијата, финансиите, пазарите на капитал и финансиските инструменти согласно домашните и меѓународните регулативи, изведување на практична настава се со цел да им се обезбеди на студентите можност да се стекнат со практична вештина, како и со работно искуство кое ќе ја зголеми нивната конкурентност и ќе им помогне при вработувањето во иднина, изведување на стручно доусовршување од практичен аспект се со цел да им се обезбеди на наставно – научниот кадар можност да се стекнат со практични вештини и знаења од областа, кое ќе им помогне при реализација на предавањата и проектите од областа.

Покрај овие горенаведени генерални аспекти од взаемната соработка, истата ќе биде насочена и кон следното:

- давање стручно мислење за изготвени дипломски, магистарски и докторски трудови од областа на пазарот на капитал, домашното и меѓународното право, економијата, финасиите, финансиски инструменти, финансиското работење и менаџментот;

- заедничко учество и признавање на добиените крајни вредности од стручни семинари, конференции, трибини, форумски дебати, обуки и работилници; 

- финансиска едукација и зголемување на нивото на финансиска писменост на населението во Република Северна Македонија; 

- помагање преку специјализиран тренинг и едукација во областите на домашното и меѓународното право, финансиите, економијата, пазарите на капитал и финансиските инструменти;  

- реализација на заеднички семинари и конференции поврзани со пазарот на капитал и финансиските услуги и инструменти на пазарот;

- размена на стручна литература од областа на домашното и меѓународното право, економијата, финансиите, хартиите од вредност и финансиските инструменти и

- создавање во континуитет, креативна интелегенција кој ќе биде водич или стимулатор за секој поединец во функција на креирање на успех.

Заедно со уште еден партнер, како што е Меѓународниот Балкански Универзитет, Комисијата ќе продолжи да гради сојузништво во наставно-научната сфера, се со цел, да изгради општество во кое високото образование ќе го достигне својот квалитет и кредибилитет кој го заслужува и воедно за сите сегашни и идни студенти да им овозможи практично дооусовршување за понатамоошно градење на својата професионална кариера и нивна поголема вредност на пазарот на труд.