- Македонски  претставници во Брисел беа Кирил Китевски и Кристијан Лазароски од ОУ “Мите Богоевски” од Ресен 

- Тимот од  Грција ја однесе дома победата на најголемиот европски квиз за финансиска писменост

За прв пат после 2020 година, ученици од 28 европски земји  се придружија во Брисел, на овогодинешното меѓународно финале на Европски квиз на пари, натпревар за финансиска писменост во организација на Европската банкарска федерација. Повеќе од 37,504 тинејџери од цела Европа, учествуваа на квизот со победниците од Грција, Полска и Португалија.

Европскиот квиз на пари е најголем Европски квиз за финансиска писменост наменет за ученици од 13 - 15 годишна возраст, кој привлекува милиони играчи на Кахут секоја година. Во 2017, овој квиз старуваше заедно со кампањата за одбележување на Европската недела на пари и е дел од  иницијативите за финансиска писменост на Европската банкарска федерација нагласувајќи ја важноста од финансиска едукација за младите луѓе да водат поубав и побезбеден начин на живот.

,,Прекрасно е чувството да  се посака повторно добредојде на учесниците на квизот во Брисел и да се почувствува енергијата на ова друштво на млади луѓе желни за подобрување на нивните финансиски вештинии, желбата за стекнување знаење во областа на дигиталното банкарство, сајбер безбедноста, одржливоста во банкарството, рече Вим Мијс, извршниот директор на Европската банкарска федерација. Украина исто така се придружи на овој квиз за прв пат оваа година искажувајќи ја со тоа нивната огромна посветеност спрема финасиската писменост. Среде предизвиците и околностите со кои се соочуваат, финансиската едукација им останала приоритет и ние сме среќни што ја гледаме нашата работа и тоа што нашите членки на овие вештини умешно им дале особена важност,,.

Учесниците го одмеруваа нивното знаење за лични финансии со фокус на долгорочно планирање, штедење, криптовалути, сајбер безбедност, онлајн измами како и кредитирање и управување со приходите. Сите прашања се изготвени во согласност со насоки на OECD/INFE и основните компетенции за финансиска писменост за младите.

Земји учеснички беа: Австрија, Албанија, Германија, Грција, Данска, Естонија, Ирска, Исланд, Италија, Латвија, Литванија, Луксембург, Лихтенштајн, Малта, Норвешка, Полска, Португалија, Романија, РС Македонија, Словачка, Словенија, Србија, Унгарија, Украина, Финска, Чешка, Шведска и Шпанија.

Учеството на Европскиот квиз на пари во Брисел, Кирил Китевски и Кристијан Лазароски под менторство на Соња Стрезовска, го обезбедија со победа на националниот натпревар организиран од Македонската банкарска асоцијација во соработка со Народната банка и Комисијата за хартии од вредност поддржано од Министерството за образование и Министерството за финансии.

Нашите претставници во Брисел имаа кратка средба со министерот за финансии д-р Фатмир Бесими кој им посака успех на натпреварот.