Комисијата за хартии од вредност на Република Северна Македонија со свој претставник учествуваше на Вториот работен состанок на земјите кои се дел од Проектот за подготовка на Националната стратегија за финансика едукација во соработка со OECD и Министерството за финансиии на Холандија кој се одржа во Тблиси, Грузија во период од 06.11-09.11.2019 година.

         Претставниците на земјите кои се дел од овој Проект во рамки на оваа средба воедно учествуваа на организираната конференција и работилница на тема Унапредување на финансиската писменост во Југоисточна Европа под покровителство на Националната Банка на Грузија и Организацијата за економска соработка и развој (ОЕЦД), а со финансиска поддршка од страна на Министерството за финансии на Холандија, користејќи ја техничката експертиза на платформата “Money wise”.

         Конференцијата се фокусираше на концептуални, институционални теми и прашања поврзани со имплементацијата националните стратегии за финансиско образование и единствената цел беше:
-дијалог и размена на искуства, достигнувања и предизвици во регионот;
-да се споделат параметрите од истражувањето од областа на финансиската едукација и инклузија на ОЕЦД;
-едукација и мапирање на земјите учеснички во Проектот и
-преглед на потенцијалните следни чекори за негова реализација.

       Додека пак, на организираната работилница се собраа официјалните лица, практичари и експерти од земјите кои се директно одговорни за дизајнирање и спроведување на националните иницијативи за финансиско образование.

       Истата беше фокусирана кон изготвување на студија на случај и политика за справување со предизвиците на финансиската писменост кои се јавуваат кај:
-младата популација - ученици и студенти;
-руралното население и
-малите и средни претпријатија.
Комисијата за хартии од вредност на Република Северна Македонија во наредните 4 години ќе ја продолжи соработката со останатите членови на Координациското тело за финансиска едукација и инклузија, како и останатите земји кои се дел од овој проект и ќе придонесе во подготовката на сеопфатен документ кој ќе ги посочи сите важни елементи од финансиското описменување на граѓаните во  нашата држава.