Комисијата за хартии од вредност на Република Северна Македонија на 2-та седница со која претседаваше  Претседателкaта на КХВ М-р Нора Алити донесе Решение со кое се утврдува за успешна понудата за преземање на акции издадени од "Мермерен Комбинат" АД Прилеп дадена од "Долит Инвестментс" АД основано од едно лице од Атика, Република Грција.

Понудата за преземање била прифатена од  еден сопственик  на обични акции со право на глас во "Мермерен Комбинат" АД Прилеп, кој поседува вкупно 60 обични акции, што претставува 0,0013% од вкупниот број на обични акции со право на глас издадени од "Мермерен Комбинат" АД Прилеп.   Во понудата за преземање не беше определен праг на успешност, односно немаше најмала количина на обични акции со право на глас на кои се однесува Понудата за преземање која треба да биде прифатена за истата да се смета за успешна.

Откако беше констатирано дека измените на Статутот на Друштвото за управување  со отворени и затворени инвестициски фондови "ВФП Фонд Менаџмент" АД Скопје со кои се врши промена на седиштето се во согласност со Законот за инвестициски фондови, Комисијата даде согласност.

На седницата што се одржа денеска на 21 јуни, 2023 година, беа дадени 2 дозволи за работење на инвестициски советник и 4 за инвестициски агент .