На оваа веб страна се користат колачиња кои не содржат лични податоци и служат со единствена цел за подобрување на корисничкото искуство. Со Вашето присуство на веб страната се подразбира дека се согласувате за користењето на овие колачиња. За повеќе детали во однос на заштитата на личните податоци прочитајте ја Политиката за колачиња.
Në këtë faqe të internetit përdoren biskota të cilat nuk përmbajnë të dhëna personale dhe shërbejnë me qëllim të vetëm për përmirësimin e përvojës së përdoruesit. Me prezencën Tuaj në faqen e internetit nënkuptohet se pajtoheni për përdorimin e këtyre biskotave (cookies). Për më tepër holllësi në lidhje me mbrojtjen e të dhënave personale lexoni Politikën e përdorimit të biskotave (cookies).
The website uses cookies that do not contain personal data and serve for the sole purpose of improving the user experience. Your presence on the website implies that you agree to the use of these cookies. For more details about personal data protection, please read the Cookie Policy.
Комисијата за хартии од вредност на Република Северна Македонија на 181-та седница со која претседаваше Претседателот на КХВ М-р Нора Алити донесе решение со кое на Долит Инвестментс АД-основано од едно лице од Атика, Република Грција, му се издава дозвола за давање понуда за преземање на друштвото Мермерен Комбинат АД Прилеп. Понудата за преземање се однесува на 193.708 обични акции со право на глас издадени од Мермерен Комбинат АД Прилеп. Преземањето на хартиите од вредност ќе се врши по цена од 900 денари по акција.
На седницата што се одржа денеска на 26 април, 2023 година, КХВ исто така донесе Решение со кое на Општина Аеродром и одобри издавање на долгорочни должнички хартии од вредност по пат на јавна понуда - прва емисија на општински обврзници во количина од 11.000 лота, во апоени од 30.000 денари по лот по обврзница. Вкупната номинална вредност на емисијата е 330.000.000 денари. Рокот на доспевање на издадените обврзници е 10 години од денот на регистрирање на обврзниците во Централниот депозитар. Општинските обврзници се со фиксна годишна каматна стапка во износ од 5%. Првата исплата на каматата ќе започне по истекот на 12 месеци од денот на нивното регистрирање, а ќе заврши во наредните 10 години исто така сметано од денот на регистрирањето на обврзницата. Главницата ќе се исплаќа во девет еднакви рати, започнувајќи од втората година од регистрирањето на обврзницата.
Понудата се смета за успешна доколку се запишат и уплатат најмалку 60% од понудените обврзници. Емисијата се врши заради прибирање на средства за финансирање на повеќе инфраструктурни и капитални проекти на општината.
КХВ ја одобри оваа емисија, откако Општина Аеродром доби согласност од Министерството за финансии за нејзино задолжување и ги исполни законски утврдените услови за издавање на општински обврзници. Постапката на запишување и уплата на понудените општински обврзници ќе започне откако во сила ќе влезе Одлуката на Владата на Република Северна Македонија, со која се одобрува максималниот износ на новото задолжување на издавачот.