Комисијата за хартии од вредност на Република Северна Македонија на 179-тата седница  донесе Решение со кое на Халк Осигурување АД Скопје му се дава одобрение за издавање на осма емисија на хартии од вредност  по пат на приватна понуда. Емисијата се врши за зголемување на основната главнина на Друштвото со трансформирање на заем (субординиран долг) во траен влог преку издавање на нови обични акции. Со оваа трансформација на субординираниот долг во основачки влог на Друштвото Халк Осигурување АД Скопје, основната главнина на Друштвото ќе се зголеми од 15.500.000 евра на износ од 19.500.000 евра вкупна основна главина. При зголемување на основната главнина на Друштвото за трансформирање на субординираниот долг ќе се издадат 400.000 нови акции кои ќе бидат во сопственост на единствениот акционер на Друштвото- Халк Банка АД Скопје.  Халк Осигурување АД Скопје врши зголемување на основната главнина со издавање на нови обични акции од осмата емисија, заради постигнување на потребната адекватност на капиталот на Друштвото и создавање услови за непречено вршење на редовното работење.   
   
     На седницата што се одржа денеска на 13 април, 2023 година, Комисијата донесе Решение со кое на ТТК Банка и се дава одобрение за издавање на долгорочни хартии од вредност по пат на приватна понуда - трета  емисија на 57.698  обични акции  во износ од  57.698.000 денари.  Акциите се наменети за постојните акционери по основ на употреба,односно распределба на остварената добивка за 2022 година и нераспределенaтa акумулирана добивкa од претходни години, во вид на дивиденда во акции сразмерно на нивното учество во основната главнина.