Комисијата за хартии од вредност на Република Северна Македонија на 172-ратa седница со која претседаваше Претседателот на КХВ Mr.Sc. Nora Aliti даде согласност на измените и дополнувањата на Статутот и на значајната промена на содржината на Проспектот на пет отворени инвестициски фондови со кои управува Друштвото за управување со отворени и затворени инвестициски фондови ВФП Фонд Менаџмент АД Скопје и тоа:

-ВФП Кеш Депозит;
-ВФП Премиум Инвест;
-ВФП Граве Глобал;
-ВФП Дивиденда;
-ВФП 100% БОНД.

Исто така Комисијата даде согласност на измените и дополнувањата на Статутот и на значајната промена на содржината на Проспектот на четири отворени инвестициски фондови со кои управува Друштвото за управување со отворени и затворени инвестициски фондови Вега Фондови АД Скопје и тоа:

-Вега Кеш
-Вега Финансии
-Вега Свет
-Вега Технологија

КХВ даде согласност на актите на двете друштва за управување со отворени и затворени инвестициски фондови  откако утврди дека се исполнети законските услови  и истите се усогласени со Законот за инвестициски фондови и со Упатството за категоризација на инвестициски фондови донесено од страна на Комисијата за хартии од вредност.

На седницата Комисијата усвои 14 решенија за исполнување на условите за полагање на стручниот испит за инвестиционо советување  и 4 решенија за полагање на стручен испит за работење со хартии од вредност.

По завршена јавна расправа Комисијата го усвои и Правилникот за условите и начинот за давање одобрение за издавање и за регистрирање на странски хартии од вредност на РСМ.

Исто така КХВ издаде и две дозволи за работа на инвестициски агент и една дозвола за работење со хартии од вредност.