Комисијата за хартии од вредност на Република Северна Македонија на 168-та седница со која претседаваше Претседателот на КХВ М-р Нора Алити даде согласност на измените и дополнувањата на Статутот и на значајната промена на содржината на Проспектот на шест отворени инвестициски фондови со кои управува Друштвото за управување со инвестициски фондови КБ Публикум Инвест АД Скопје и тоа:

1. ОИФ КБ Публикум – Паричен;
2. ОИФ КБ Публикум – Акции;
3. ОИФ КБ Публикум- Златен фонд;
4. ОИФ КБ Публикум – МБИ 10;
5. ОИФ КБ Публикум – Обврзници;
6. ОИФ КБ Публикум – Балансиран.

Согласност од КХВ доби и значајната промена  на содржината на Проспектот  на ОИФ Генерали Кеш Депозит поднесена од Друштвото за управување со инвестициски фондови Генерали Инвестментс АД Скопје.

КХВ даде виза на овие акти откако утврди дека се исполнети законските услови  и истите се усогласени со Законот за инвестициски фондови и со Упатството за категоризација на инвестициски фондови донесено од страна на Комисијата за хартии од вредност.

На седницата што се одржа денеска на 30 ноември, КХВ го донесе Предлог Правилникот за условите и начинот за давање одобрение за издавање и за регистрирање на странски хартии од вредност во Република Северна Македонија, по што подзаконскиот акт ќе го стави на јавна расправа на веб страницата на КХВ, каде засегнатите страни можат да ги дадат своите забелешки и сугестии.

Исто така, КХВ издаде и две дозволи за работа на инвестициски агент.