Комисијата за хартии од вредност на Република Северна Македонија на 164-тата седница со која претседаваше Претседателот на КХВ М-р Нора Алити донесе Решение со кое на Друштвото за управување со отворени и со затворени фондови ,‚Иново Статус ‘‘ АД Скопје му даде одобрение да ја издаде петтата емисија на акции по пат на приватна понуда.

,‚Иново Статус‘‘АД Скопје ќе издаде 80.000 обични акции, при што продажната цена е еднаква на номиналната вредност и изнесува 1 евро по акција. Вкупната вредност на емисијата е 80.000 евра во денарска противвредност од 4.919.392 денари.

Согласно Одлуката, акциите од петтата емисија се наменети за едно правно лице, кое е постојан  акционер на друштвото - ,‚ЕЈ СИ ЕМ КОНСУЛТ‘‘ ЕООД Софија,  како и за две физички лица.  Петтата емисија на акции на ,‚Иново Статус‘‘ АД Скопје се врши заради зголемување на основната главнина на Друштвото, односно заради адекватност на капиталот и создавање услови за непречено вршење на редовното работење на Друштвото.