Комисијата за хартии од вредност на Република Северна Македонија на 157-та седница со која претседаваше Претседателот на КХВ М-р Нора Алити донесе Решение со кое на ,‚Шпаракасе Банка‘‘ АД Скопје и даде одобрение да ја издаде XXI-та емисија на акции по пат на приватна понуда.

 ,‚Шпаракасе Банка‘‘ АД Скопје ќе издаде 417.972 обични акции со номинална вредност 2.670 денари и продажна вредност од  2.938 денари по акција, со вкупен износ на емисијата од 1.228.001.736 денари. Зголемувањето на основната главнина со нови парични влогови се врши за познат купувач – институционалниот инвеститор  ,‚Штајермеркише банк унд Шпаркасен АД‘‘ со седиште во Грац , Австрија.        

Банката издава нови акции заради одржување на соодветно ниво на стапка на редовен основен капитал и стапка на основен капитал, како и заштитните слоеви  на капиталот пропишани со Законот за банки и со подзаконската регулатива.

Комисијата на  ,‚Универзална Инвестициона Банка‘‘ АД Скопје и даде одобрение за издавање на долгорочни хартии од вредност по пат на приватна понуда - втора емисија на 2.500 перпетуални обврзници со поединечна номинална вредност од 1.000 евра и вкупна номинална вредност  од 2.500.000 евра. Продажната цена е еднаква на номиналната.  Издадениот капитален инструмент ќе се користи како додатен основен капитал, а средствата од емисијата ќе се наменат за општи корпоративни цели.   

На седницата што се одржа денеска на 17 август, 2022 година КХВ  издаде и шест дозволи за работење на инвестициски агент. Заради усогласување со Законот за изменување и дополнување на Законот за инвестициски фондови и со подзаконските акти, Комисијата даде согласност/одобрение на Статутот и на Проспектот на  9  отворени  инвестициски фондови и тоа :

 1.ОИФ ВФП КЕШ ДЕПОЗИТ;
 2.ОИФ ГРАВЕ ГЛОБАЛ;
 3.ОИФ ВФП Премиум;
 4.ОИФ ВФП Дивиденда;
 5.ОИФ ВФП 100% Бонд; 
 6.ОИФ Генерали БРИК; 
 7.ОИФ Генерали КЕШ Депозит; 
 8.ОИФ Генерали Нова ЕУ;
 9.ОИФ Генерали Топ Брендови.

Исто така, Комисијата за хартии од вредност го одобри барањето за давање согласност на Одлуката  за измена на Статутот на Друштвото за управување со отворени и затворени инвестициски фондови ,‚Генерали Инвестментс‘‘ АД Скопје.