Комисијата за хартии од вредност на Република Северна Македонија на 155-тата седница со која претседаваше Претседателот на КХВ М-р Нора Алити позитивно одговори на Барањето за измена на дозволата за работа на два овластени учесника и тоа: Брокерската куќа Иново Брокер АД Скопје повеќе да не ja извршува  услугaта “прием и пренос на налози за купување и продавање на хартии од вредност на странски пазари на хартии од вредност” , а на НЛБ банка АД Скопје-Служба за услуги со хартии од вредност и се исклучуваат услугите “управување со портфолио на хартии од вредност по налог и за сметка на индивидуален клиент” и “инвестиционо советување”.

На  седницата што се одржа денеска на 21 јули, 2022 година, Комисијата за хартии од вредност даде согласност за именување на  Андријана Поповска за извршен  член  на Одборот на директори на Друштвото за управување со отворени и затворени инвестициски фондови ВФП Фонд Менаџмент АД Скопје која ќе ја извршува функцијата извршен директор
во наредните три  години.

Исто така, КХВ даде согласност на Статутите и на Проспектите на шест отворени инвестициски фондови  со кои управува Друштвото за управување со отворени и затворени инвестициски фондови КБ Публикум Инвест АД Скопје. И тоа на:

1.ОИФ КБ Публикум Златен Фонд;
2.ОИФ КБ Публикум Акции;
3.ОИФ КБ Публикум МБИ 10;
4.ОИФ КБ Публикум Паричен;
5.ОИФ КБ Публикум Обврзници и
6.ОИФ КБ Публикум Балансиран.

Сите усогласувања  се  во согласност со Законот за инвестициски фондови и со Правилникот за формата и содржината на проспектот на отворен и затворен инвестициски фонд.

КХВ издаде и 14 дозволи за  работење на инвестициски агент и лицата ги запиша во Регистарот на инвестициски агенти кој го води Комисијата за хартии од вредност.  Дозволата за работење им престанува да важи  во моментот кога ќе се раскине договорот за продажба на удели, со што лицето ќе биде избришано од Регистарот на инвестициски агенти.