Комисијата за хартии од вредност на Република Северна Македонија на 149-тата седница со која претседаваше Претседателот на КХВ М-р Нора Алити даде одобрение на измените и дополнувањата на Статутот на Друштвото за управување Генерали Инвестментс АД Скопје.

        Со корекциите се врши усогласување со измените и дополнувањата на Законот за инвестициски фондови и со Законот за трговските друштва, се инкорпорираат ограничувањата за извршните директори согласно Ставот на Комисијата за ограничување во членување/работење во повеќе одбори како неизвршни членови. Исто така, меѓудругото се менува називот на друштвото од Друштво за управување со отворени фондови Генерали Инвестментс АД Скопје во Друштво за управување со отворени и затворени инвестициски фондови Генерали Инвестментс АД Скопје, а се дорегулираат и одредени прашања од внатрешното функционирање на друштвото.

         Комисијата за хартии од вредност на  седницата што се одржа денеска на 2 јуни, 2022 година издаде единаесет дозволи за работење на  инвестициски агент.  Дозволата на лицата им престанува да важи во моментот кога ќе се раскине договорот за продажба на удели со Друштво за управување ВФП Фонд Менаџмент АД Скопје, со што лицето ќе биде избришано од регистарот на инвестициски агенти.

       Исто така, КХВ даде и една дозвола за работење на инвестиционен советник за период од пет години од денот на издавањето.