Комисијата за хартии од вредност на Република Северна Македонија на 148-тата седница со која претседаваше Претседателот на КХВ М-р Нора Алити даде согласност за именување на двајца извршни членови на Одборот на директори на Друштвото за управување со инвестициски фондови Вега Фондови АД Скопје и тоа на :

1. Сашо Дракуловски кој ќе продолжи да ја извршува функцијата Главен извршен директор на ДУИФ Вега Фондови АД Скопје и
2. Јован Дојчиновски кој ќе биде именуван за Извршен директор на ДУИФ  Вега Фондови АД Скопје.

И двајцата се со мандат од шест години.

На седницата што се одржа  денеска на 20 мај, 2022 година, КХВ донесе Решение со кое понудата за преземање на акции издадени од Осигурителното брокерско друштво СН Осигурителен Брокер АД Битола дадена од лицата Христо Кондовски и Зоран Пејчиновски се утврдува за успешна. Преземачите се стекнаа со сите обични акции со право на глас кои беа предмет на понудата за преземање, односно со вкупно 6.816 обични акции што претставува учество од 25% од вкупниот број на обични акции издадени од СН Осигурителен брокер АД Битола, а заедно со акциите што веќе ги поседувааат имаат вкупно 27.282 обични акции или 99,97% од вкупниот број обични акции. Цената беше 4.761 денар по акција.

Исто така, Комисијата за хартии од вредност  даде согласност на измените и дополнувањата на Статутот на Друштвото за управување со отворени и затворени инвестициски фондови Иново Статус АД Скопје, со кој се вршат  правно-технички  допрецизирања.