Комисијата за хартии од вредност на Република Северна Македонија на 115 тата седница со која претседаваше Претседателот на КХВ М-р Нора Алити донесе Решение за давање согласност за именување на лицето Билјана Ивановска за раководител-директор на Служба за услуги со хартии од вредност при Деловен сектор за финансиски пазари и средства во НЛБ Банка АД Скопје. Согласноста за именување на Билјана Ивановска за раководител-директор на Служба за услуги со хартии од вредност при НЛБ Банка АД Скопје важи за период од 12 (дванаесет) месеци.

          Заради усогласување со новите измени на Законот за инвестициски фондови на седницата што се одржа денеска на 29 јули, 2021 година, КХВ донесе  три подзаконски акти и истите ги стави на јавна расправа на веб страницата во времетраење од 30 дена со цел заинтересираните страни да ги дадат своите забелешки и сугестии. Станува збор за:

1. Предлог Правилник за содржина на депозитарен договор и формата и содржината на барањето за добивање одобрение за промена на депозитарна банка;
2. Предлог Правилник за изменување и дополнување на Правилникот за формата, содржината и начинот на водење на регистарот на инвестициски фондови и начинот на утврдување на идентификациониот број на инвестицискиот фонд и
3. Предлог Правилник за формата и содржината на документот со клучните информации за инвеститорите во отворениот инвестициски фонд.