Соопштение од 9 -та седница на КХВ
20.09.2023
Комисијата за хартии од вредност на Република Северна Македонија на 9-тата седница што се одржа денеска на 20 септември, 2023 година, а со која претседаваше  Претседателкaта на КХВ М-р Нора Алити донесе Решение со кое на  Друштвото за управување со доброволни пензиски фондови "ВФП ПЕНЗИСКО ДРУШТВО" АД СКОПЈЕ му даде одобрение за издавање долгорочни хартии од вредност по пат на приватна понуда.

Со втората емисија на акции, "ВФП ПЕНЗИСКО ДРУШТВО" АД Скопје ќе издаде 75.000 обични акции  при што продажната цена на хартиите од вредност е еднаква на номиналната вредност на акцијата, односно 1 евро, пришто вкупната вредност на емисијата изнесува 75.000 евра.  Согласно Одлуката, обичните акции од  втората емисија во целост се наменети за познат купувач, институционален инвеститор, кој е и единствен акционер со 100% учество во акционерскиот капитал на Друштвото и тоа за Друштвото за управување со отворени и затворени инвестициски фондови ВФП ФОНД МЕНАЏМЕНТ АД Скопје. Друштвото издава обични акции заради зголемување на основната главнина по пат на приватна понуда, со цел одржување на потребниот износ на сопствени средства во износ не помал од една половина од износот на основната главнина на Друштвото, пропишана со Законот за доброволно капитално финансирано пензиско осигурување.

На седницата, КХВ донесе Решение со кое се утврдува за успешна понудата за преземање на акции издадени од "Жито Караорман" АД Кичево дадена од лицето Селаудин Арифи.

Исто така,Комисијата даде една дозвола за работење на инвестициски агент.