Комисијата за хартии од вредност на Република Северна Македонија на 124 тата седница со која претседаваше Претседателот на КХВ М-р Нора Алити на Синцеритас АД Скопје му даде дозвола да ја издаде втората емисија на акции за познати купувачи.

Со втората емисија на акции, Синцеритас АД Скопје ќе издаде 190.500 обични акции со номинална вредност од 1 евро и продажна вредност од 11 евра по акција, односно номиналната вредност на сите новоиздадени акции изнесува 190.500 евра, додека вкупната продажна вредност на емисијата изнесува 2.095.500 евра.

Новоиздадените хартии од вредност ќе бидат запишани и уплатени од страна на 6 познати купувачи –странски физички и правни лица. Синцеритас АД Скопје издава нови акции заради прибирање на парични средства и создавање услови за непречено функционирање на Друштвото.

     На седницата што се одржа денеска на 15 октомври, 2021 КХВ даде согласност на Одлуката за измени и дополнувањата на Статутот на  друштвото за управување Иново Статус АД Скопје со кои се врши менување во неколку членови од Статутот и тоа во најголем дел заради негово усогласување со измените на Законот за инвестициски фондови,  усогласување на податоците во Статутот со Законот за трговски друштва, како и заради постапување по Решението на КХВ од 23.07.2021 година за утврдена неправилност во работењето на друштвото.

Исто така, КХВ даде согласност на Статутот и на Проспектот на отворениот инвестициски фонд Иново Статус Акции во кои се имплементирани забелешките кои беа констатирани при спроведената редовна контрола на работењето на ДУИФ Иново Статус АД Скопје од страна на Комисијата.

Комисијата го разгледа и усвои Предлог Правилникот за начинот и постапката за избор на субдепозитарна банка, односно специјализирана депозитарна институција  и истиот го стави на јавна расправа. Со овој правилник се врши усогласување со Делегирана уредба на Европската комисија 2016/438 за дополнување на Директивата 2009/65/ЕЗ на Европскиот парламент и на Советот во делот на депозитарната банка.

По завршена јавна расправа, КХВ го усвои  Правилникот за сопствените средства на друштвото за управување со отворени и затворени инвестициски фондови.