Комисијата за хартии од вредност на Република Северна Македонија на 123-тата седница со која претседаваше Претседателот на КХВ М-р Нора Алити даде согласност на измените и дополнувањата на Правилата за котација на "Македонската Берза"АД Скопје  со кои се вршат прилагодувања за потребите на пазарот на хартии од вредност, а поради подобрување на корпоративното управување на котираните компании.

Попрецизно, со корекциите на Правилата за котација се врши пообјективно дефинирање на распространетоста на акциите во посед на јавноста и се дава поадекватен третман на институционалните инвеститори при пресметка на акциите расположиви за тргување, кое одговара на праксата од другите берзи во регионот. Исто така, се проширува опфатот на друштвата кои ќе го применуваат Кодексот на корпоративно управување на сите издавачи чии акции котираат на официјалниот пазар на Берзата и тоа на сите пазарни сегменти кои ги исполнуваат условите дефинирани со Правилата за котација. Оттаму, новиот Кодекс за корпоративно управување ќе го применуваат најмалку 30 акционерски друштва, а се овозможува и издавачите чии акции се котирани на Официјалниот пазар на Берзата на било кој од пазарните подсегменти, кои не ги исполнуваат условите за примена на Кодексот по исклучок на доброволна основа да можат да го имплементираат истиот.

 На седницата што се одржа денеска на 7 октомври, 2021 година, Комисијата донесе  Решение со кое на Друштвото за управување со инвестициски фондови"Генерали инвестментс" АД Скопје му даде согласност за пренос на активности на Друштвото за консултантски услуги "БИГУ Академија" ДООЕЛ Скопје за вршење на административни работи кои се однесуваат на воспоставување и одржување на односи со вложувачите предвидени со Законот за инвестициски фондови. "БИГУ Академија" ДООЕЛ Скопје активностите ќе се извршува во име и за сметка на ДУИФ "Генерали инвестментс" АД Скопје, а пренесувањето не треба да влијае врз ефикасноста во надзорот над друштвото и инвестицискиот фонд, односно со тоа не смеат да се загрозат интересите на инвеститорите во инвестицискиот фонд.