На оваа веб страна се користат колачиња кои не содржат лични податоци и служат со единствена цел за подобрување на корисничкото искуство. Со Вашето присуство на веб страната се подразбира дека се согласувате за користењето на овие колачиња. За повеќе детали во однос на заштитата на личните податоци прочитајте ја Политиката за колачиња.
Në këtë faqe të internetit përdoren biskota të cilat nuk përmbajnë të dhëna personale dhe shërbejnë me qëllim të vetëm për përmirësimin e përvojës së përdoruesit. Me prezencën Tuaj në faqen e internetit nënkuptohet se pajtoheni për përdorimin e këtyre biskotave (cookies). Për më tepër holllësi në lidhje me mbrojtjen e të dhënave personale lexoni Politikën e përdorimit të biskotave (cookies).
The website uses cookies that do not contain personal data and serve for the sole purpose of improving the user experience. Your presence on the website implies that you agree to the use of these cookies. For more details about personal data protection, please read the Cookie Policy.
Комисијата за хартии од вредност на Република Северна Македонија на 118 тата седница со која претседаваше Претседателот на КХВ М-р Нора Алити донесе Решение со кое на Друштвото за управување со инвестициски фондови ВЕГА ФОНДОВИ АД Скопје му се дава согласност за пренос на административни работи кои се однесуваат на водење на деловни книги и сметки и изготвување на финансиски извештаи, предвидени со Законот за инвестициски фондови, на правното лице Друштво за ревизија и сметководство ЕВИВА РЕВИЗИЈА ДООЕЛ Скопје.
Со ова, сите пренесени активности, Друштвото за ревизија и сметководство ЕВИВА РЕВИЗИЈА ДООЕЛ Скопје ќе ги извршува во име и за сметка на Друштвoто за управување со инвестициски фондови ВЕГА ФОНДОВИ АД Скопје, при што не смее да се загрозат интересите на инвеститорите во инвестицискиот фонд, ниту пак да влијае врз ефикасноста на надзорот над друштвото и инвестицискиот фонд.
На седницата што се одржа денеска на 23 август, 2021 година, КХВ разгледа и шест подзаконски акти, чии текстови согласно со измените и дополнувањата на Законот за инвестициски фондови се усогласуваат со Директивата 2009/65/ЕЗ на Европскиот парламент и на Советот од 13 јули 2009 година. Попрецизно, по завршена јавна расправа, Комисијата донесе 3 правилници и тоа :
-Правилник за формата и содржината на Проспектот на отворен и затворен инвестициски фонд;
-Правилник за формата и содржината на барањето за добивање одобрение за организирање на отворен инвестициски фонд и
-Правилник за содржината, формата и начинот на доставување на информации за припојувањето и спојувањето до сопствениците на удели;
Останатите 3 правилници пак, Комисијата ги разгледа и ги стави на веб страната за јавна расправа каде во наредните 30 денови, заинтересираните ќе можат да ги кажат своите коментари. Станува збор за :
-Предлог Правилник за дозволени вложувања, ограничувања на вложувањата и пречекорување на ограничувањата за вложување на имотот на отворен фонд;
-Предлог Правилник за сопствените средства на друштвото за управување со отворени и затворени инвестициски фондови и
-Предлог Правилник за начинот и постапката на присилен пренос на управувањето со инвестициски фонд и правата и обврските на депозитарната банка при присилен пренос на управувањето на инвестициски фонд.