Комисијата за хартии од вредност на Република Северна Македонија на 108-мата седница со која претседаваше Претседателот на КХВ М-р Нора Алити даде согласност на измените и дополнувањата на Статутот на ДУИФ ВФП Фонд Менаџмент АД Скопје  со кои меѓудругото се врши измена на висината на основната главнина на друштвото, како резултат на докапитализација на друштвото, односно зголемување на основната главнина од сопствени средства по пат на приватна понуда на постојните акционери, сразмерно на нивното учество, како резултат на што се  менува вкупниот и поединечниот број на издадени акции на акционерите на друштвото во Статутот.

Тргнувајќи од фактот дека согласно Законот за инвестициски фондови, Комисијата за хартии од вредност не го одобрува основањето на приватните фондови, ниту пак е надлежна за спроведување контрола и надзор на нивната работа, туку само врши запишување на приватните фондови во Регистарот на приватни фондови, Комисијата го запиша приватниот инвестициски фонд РАЗВОЕН ФОНД БС во Регистарот на приватни фондови кој го води Комисијата и му додели идентификациски број.

 По завршена јавна расправа, Комисијата го донесе Правилникот за формата , содржината и начинот на водење на Регистар на овластени правни лица за вршење услуги со хартии од вредност и нивните експозитури, Регистар на друштва за инвестиционо советување, Регистар на брокери и Регистар на инвестициони советници со кој се врши интегрирање на четири претходни правилници донесени уште во 2006 година во еден подзаконски акт, бидејќи се регулира материја од ЗХВ поврзана со водење на регистри за овластените учесници на пазарот на хартии од вредност од страна на Комисијата.  

На седницата што се одржа денеска на 27 мај, 2021 година, КХВ обнови една дозвола за работа со хартии од вредност.

Исто така, заради подобра достапност на подзаконската регулатива до заинтересираните субјекти кои ја спроведуваат , КХВ разгледа и усвои пречистени текстови на пакет  правилници со што се олеснува примената во праксата.