Подзаконски акти

Откако јавноста ги кажа своите забелешки, Комисијата за хартии од вредност на Република Македонија ги донесе следните Правилници: 1. Правилник за условите и начинот за давање одобрение за издавање на удели и издавање и регистрирање на акции на резидентни инвестициски фондови надвор од Република Македонија односно продажба на удели и акции на нерезидентни инвестициски фондови во Република Македонија; 2. Правилник за условите и начинот за добивање одобрение за издавање или регистрирање на домашни хартии од вредност во странство; 3. Правилник за условите и начинот за давање одобрение за издавање, односно за регистрирање на странски хартии од вредност во Република Македонија; 4. Правилник за измена и дополнување на Правилникот за критериумот за рангирање на субдепозитарна банка на инвестициски фонд ; 5. Правилник за изменување и дополнување на Правилникот за формата и содржината на барањето за добивање одобрение за организирање на отворен инвестициски фонд; 6. Правилникот за изменување и дополнување на Правилникот за начинот, постапката и потребната документација за добивање дозвола за работење на друштвото за управување со инвестициски фондови; 7. Правилникот за изменување и дополнување на Правилникот за потребната документација за добивање согласност за стекнување на квалификувано учество во друштво за управување со инвестициски фондови ; 8. Правилникот за изменување и дополнување на Правилникот за формата и содржината на барањето за добивање одобрение за основање на затворен инвестициски фонд; 9. Правилникот за начинот, постапката и потребната документација за добивање дозвола за основање на подружница на странско друштво за управување со инвестициски фондови во Република Македонија ; Комисијата за хартии од вредност на Република Македонија во јуни усвои неколку правилници и истите ги стави на јавна расправа. Станува збор за : 1. Правилник за изменување и дополнување на Правилникот за документацијата што се поднесува кон барањето за издавање дозвола за понуда за преземање; 2. Правилник за изменување и дополнување на Правилникот за содржината на проспектот за преземање;

Решенија за емисии на акции

Комисијата за хартии од вредност на Република Македонија на Клириншка куќа Клириншки интербанкарски системи АД Скопје (КИБС) и даде одобрение да издаде единаесетта емисија на долгорочни хартии од вредност по пат на приватна понуда. Станува збор за 4.876 обични акции во вкупен износ од 48.760.000 денари. Единаесеттата емисија на акции е наменета за познати купувачи - акционерите на друштвото. Согласно Одлуката, единаесеттата емисија на акции се врши од средства на друштвото по основ на исплата на дивиденда во акции на акционерите на КИБС АД Скопје и тоа сразмерно на нивното учество во основната главнина на друштвото. Исто така , во јуни , КХВ на Ракометниот клуб ВАРДАР АД Скопје му одобри да издаде долгорочни хартии од вредност по пат на приватна понуда. Зголемувањето на основната главнина на друштвото се врши со трансформирање на заем во влог во друштвото даден од единствениот акционер на друштвото. Бројот на сопственички хартии од вредност-акции од втора емисија кои му се издаваат на единствениот акционер Сергеј Самсоненко изнесува 3.000 обични акции определени според вкупниот износ на заемот од 30.000 евра поделен со номиналниот износ на обична акција во вредност од 10 евра.

Супервизорки активности

Комисијата за хартии од вредност на Република Македонија во јуни даде согласност на Одлуката за измени и дополнувања на Статутот на Централниот депозитар за хартии од вредност АД Скопје.

Регистар на акционерски друштва со посебни обврски за известување

Во јуни, вкупно активни акционерски друштва беа 18. Во Регистарот се запишуваат друштвата кои се основани и работат во Република Македонија и притоа извршиле јавна понуда на хартии од вредност или имаат основна главнина од 1.000.000 евра во денарска противвредност и повеќе од 50 акционери, освен друштвата котирани на берза.

Спроведени контроли

Во јуни, Комисијата за хартии од вредност секојдневно он-лине во реално време го следеше тргувањето на берзата и вршеше постојана посредна и непосредна контрола на овластените учесници на пазарот на хартии од вредност. Секторот за супервизија на пазарот на капитал во јуни спроведе три вонредни контроли.

Активности по барања на акционери за заштита на правата

Секторот за супервизија на пазарот на капитал постапуваше по три барања за заштита на акционерско право.