Подзаконски акти

По завршена јавна расправа, Комисијата за хартии од вредност на Република Македонија во јануари усвои неколку правилници и тоа: 1.Правилник за изменување и дополнување на Правилникот за критериумот за рангирање на субдепозитарна банка на инвестициски фонд; 2.Правилник за изменување и дополнување на Правилникот за заедничко дејствување; КХВ усвои и неколку предлог Правилници кои потоа ги стави на јавна расправа со цел јавноста да ги каже своите коментари и забелешки, по што повторно истите ќе се најдат на дневен ред. Станува збор за следните Предлог-Правилници: 1.Правилник за изменување и дополнување на Правилникот за формата и содржината на податоците за издадените хартии од вредност ; 2.Правилник за изменување и дополнување на Правилникот за содржината на известувањето за затворање на јавната понуда на хартии од вредност по основ на постигнат процент на успешност; 3.Правилник за изменување и дополнување на Правилникот за формата и содржината на известувањето за исходот на јавната понуда на хартии од вредност ; 4.Правилник за изменување и дополнување на Правилникот за начинот,содржината и роковите за поднесување на барање за необјавување на ценовно чувствителни информации во проспектот на издавачот на хартии од вредност; 5.Правилник за изменување и дополнување на Правилникот за начинот и постапката за запишување на хартии од вредност ; 6.Правилник за изменување и дополнување на Правилникот за формата и содржината на актот за издавање на хартии од вредност по видови на хартии од вредност; 7.Правилник за изменување и дополнување на Правилникот за содржината на барањето за одобрение за издавање на хартии од вредност по пат на јавна понуда; 8.Правилник за изменување и дополнување на Правилникот за формата и содржината на барањето за одобрување на приватна понуда на хартии од вредност ; 9.Правилник за изменување и дополнување на Правилникот за формата и содржината на барањето за основање на депозитар на хартии од вредност; 10.Правилник за изменување и дополнување на Правилникот за начинот и постапката за давање согласност за именување на директор на депозитар на хартии од вредност; 11.Правилник за изменување и дополнување на Правилникот за определување на задолжителната структура и начинот на пресметка на основната главнина на берза и на средствата што ја сочинуваат основната главнина на берзата; 12.Правилник за изменување и дополнување на Правилникот за начинот и постапката за давање согласност за именување на директор на берза; 13.Правилник за изменување и дополнување на Правилникот за дополнителните информации кои треба да ги содржи барањето за издавање на дозвола за работење на брокерска куќа; 14.Правилник за изменување и дополнување на Правилникот за начинот и постапката за давање согласност за именување на директор на овластено правно лице за вршење услуги со хартии од вредност; 15.Правилник за изменување и дополнување на Правилникот за утврдување на катериориите на сопствени средства и начинот на пресметување на износот и структурата на влоговите при основање и средстватаод активата на овластено правно лице со кои треба да располага и во континуитет; Инаку, измените на поголемиот дел од овие правилници се вршат за да им се овозможи на странките да потпишуваат документи со квалификуван дигитален сертификат.

Регистар на акционерски друштва со посебни обврски за известување

Во јануари,вкупно активни акционерски друштва се 19. Во Регистарот се запишуваат друштвата кои се основани и работат во Република Македонија и притоа извршиле јавна понуда на хартии од вредност или имаат основна главнина од 1.000.000 евра во денарска противвредност и повеќе од 50 акционери, освен друштвата котирани на берза.

Дозволи за брокер

Комисијата за хартии од вредност на Република Македонија издаде една дозвола за работење со хартии од вредност и тоа на Даниела Трајковска, вработена во Комерцијална банка АД Скопје.

Спроведени контроли

Комисијата за хартии од вредност секојдневно он-лине во реално време го следеше тргувањето на берзата и вршеше постојана посредна и непосредна контрола на овластените учесници на пазарот на хартии од вредност. Секторот за супервизија на пазарот на капитал спроведе пет вонредни контроли.

Санкции

А) Брокерски куќи - На барање на брокерската куќа "Алта Виста Брокер" АД Скопје, Комисијата за хартии од вредност на Република Македонија трајно и ја одзема дозволата за вршење на услуги со хартии од вредност. Одземањето на дозволата е поради донесена Одлука за престанок со работа на "Алта Виста Брокер" АД Скопје од страна на Собранието на акционери на брокерската куќа. Истовремено, со трајното одземање на дозволата за работа на "Алта Виста Брокер" АД Скопје се исполнуваат условите за отворање на ликвидација на брокерската куќа, за што Комисијата за хартии од вредност на Република Македонија поведе постапка пред надлежниот суд. - Комисијата за хартии од вредност на Република Македонија на брокерската куќа "Илирика Инвестментс" АД Скопје привремено ѝ забрани да врши услуги со хартии од вредност, во времетраење од 15 работни дена, бидејќи ги прекршила Законот за хартии од вредност, Правилата за тргување на Македонската берза и Правилата за работа на Централниот депозитар за хартии од вредност. Имено, брокерската куќа се обидела да реализира купопродажни налози кои не биле уредно потпишани од клиентот, не ја одржувала структурата на основната главнина согласно прописите и вршела увид во сметките на хартии од вредност на клиенти, без да поседува уредни полномошна за увид и резервација од страна на имателите на сметките.

Активности по барања на акционери за заштита на правата

Секторот за супервизија на пазарот на капитал постапуваше по две барања за заштита на акционерско право.